شنبه 3 آبان 1382

تقديم به ملتي که زناني همچون شيرين عبادي را پرورانده است، ايپک

شيرين شهد


سونومدا پيله – پيله يول سالديم
و داغلارين زويولداق اتکلرينده ن
قله لره قالديرديم کنديمي،

اوسته ليک آياغيندان چکنلرينده
آعزيندان چالديم
مني دانانلارين،
دانلايانلاريندا ;

و قولونو داليدان باغلاديم
مني تاباق اوسته ساتانلارين،

بو« شيرين »دادي داماغيمدا ساخلاياجاقام
دامجي- دامجي دامسين آغزيما عومور بويو
آخي آجي- آجي شيرينليگه چاتميشام،

سوسوزيئرلرين بيتگيسينين باليدي بو
سسسيز جه بيتيشديرديم
عطيري قوللارينيزي بوغورايندي
گول چلنگين بوينوما سالين آرتيق،
داها،
آل ياناقيمدان،
بال دوداقيمدان،
قلم قاشيمدان،
شوخ باخيشيمدان،
دئمه يين;

بارماق- بارماق باجارديقلاريمدان
کلمه-کلمه بئجرديکلرميده ن
جيغيرلاردان يول آچديغيمدان
و آلني آچين چيخديغيمدان
دئيين...
و گول چلنگين بوينوما سالين !

ايپک (فرانک فريد)- تبريز- 25/7/1381

تبليغات خبرنامه گويا

advertisement@gooya.com 

دنبالک:
http://mag.gooya.com/cgi-bin/gooya/mt-tb.cgi/652

فهرست زير سايت هايي هستند که به 'تقديم به ملتي که زناني همچون شيرين عبادي را پرورانده است، ايپک' لينک داده اند.
Copyright: gooya.com 2016